Obradoiro de Guión de Sitcom con Natxo López

A sitcom é un xénero pouco transitado na industria televisiva española, alomenos tal e como se entenden en Estados Unidos, onde sitcoms como “The Big Bang Theory”, “Two and A Half Men” ou “How I Met Your Mother” acumulan millóns de entusiastas seareiros. Series como “7 vidas”, “Aida” ou comedias que beben delas como “La que se avecina” ou “Con el culo al aire” triunfaron e triunfan nas grellas televisivas desde hai anos, aínda que adaptando ese formato americano ás nosas necesidades de produción, duración e ideosincrasia.

Queremos analisar e profundizar na creación deste peculiar formato de comedia da man dun profesional de recoñecida traxectoria neste eido como é Natxo López (“7 vidas”, “Con el culo al aire”, “La familia Mata”), por iso mesmo decidimos non facer só un seminario e adicarlle todo un obradoiro á escrita de guion de sitcoms, unha actividade formativa de primeira liña onde primará o compoñente práctico, de xeito que os alumnos sairán non soamente sabendo como se escribe unha sitcom, senón escribíndoa eles mesmos.

PROGRAMA

O obradoiro está destinado a guionistas amateurs ou profesionais que desexen profundizar no proceso de creación e escrita de comedias televisivas, especialmente no terreo da ficción. Abordaranse diferentes opcións á hora de conformar un formato de comedia, así como distintas maneiras de xerar ideas, de organizar os sistemas de traballo e de enfrentarse ao proceso creativo de escrita. Abordaranse as últimas tendencias tanto a nivel internacional como nacional.
As sesiones terán un forte componente práctico estruturado a partir de conocimientos teóricos xerais. Os exercicios prantexarán un percorrido polos distintos procesos polos que debe transitar un guionista de sitcom.

SESIÓN 1

– As creación de Comedias Televisivas.
– Diferentes opcións de formato. Tendencias actuais.
– O punto de partida dunha serie. Decisións fundamentais. O ton.
– A creación de personaxes. A premisa cómica.
– Exercicios prácticos individuais ou en grupos de traballo. Procura de propostas, choivas de ideas, venda da idea, creación de personaxes cómicos.

SESIÓN 2

– A construción a partir de idea orixinal.
– Estruturas narrativas principais.
– Relacións entre personaxes. Arcos dramáticos en comedia.
– O conflicto como motor. A situación cómica.
– Exercicios prácticos. Distribución do traballo. Titulares de tramas. Creación de mapas de tramas e escaletas.

SESIÓN 3

– A escrita. Fundamentos principais de formato.
– A estrutura da escea. Maneiras de dar información.
– O diálogo.
– A comedia e as súas múltiples vertentes.
– Exercicios prácticos. Escrita de esceas individuais e/ou colectivas. A comedia colaborativa. A rescrita como proceso de procura. Aplicación de condicionantes de produción e gravación.
– Consideracións finais sobre a industria española na actualidade. Rogos y preguntas.