Doutor pola Universidade de Vigo (UdeVigo) coa tese “Técnica do relato fílmico”, cualificada con sobresaínte cum laude.  Comecei como produtor, guionista e director no Equipo Imaxe (Premio de Honra Mestre Mateo 2006), do que fun membro fundador, ao tempo que traballaba como crítico cinematográfico do diario La Voz de Galicia (1975-1982).  Entre 1989 e 1992 fun presidente da Asociación de Produtores de Galicia e entre 2000 e 2011, membro da xunta directiva da Asociación Galega de Guionistas (AGAG).

En 1992 recibín o premio de guión Carlos Velo da Consellería de Cultura da Xunta de Galicia, da que posteriormente obtiven cinco axudas para a escrita de guións. Paralelamente desenvolvín un labor historiográfico no ámbito do cinema con diferentes recoñecementos, como o Premio de Investigación Provincia de Pontevedra 1996, e dende entón teño publicado varios libros sobre esta temática.  Ademais, participei en seminarios de guión impartidos por Linda Seger (1997), Valentín Fernández Tubau (1999) e Jean Claude Carrière (2000), entre outros. Tamén impartín obradoiros de guión organizados pola AGAG (2000-2005) e fun profesor ocasional na Facultade de Ciencias Sociais e da Comunicación da UdeVigo (2000-2012) e profesor titular de Guión e Produción Creativa na Escola Superior de Artes Cinematográficas de Galicia (2003-2010). Entre as miñas producións, destaca a longametraxe Urxa (1989), da que fun coproductor, coguionista e codirector.