“MENSS SSANA IN COURIER SANS” un ciclo de charlas sobre saúde mental organizadas por Faga

A Federación de Asociacións de Guionistas Audiovisuais  (FAGA), á que pertence AGAG, organiza un ciclo de charlas sobre saúde mental no mundo do guión,“MENSS SSANA IN COURIER SANS”,  en colaboración coa SGAE e con Dama.
Co obxectivo de explorar e visibilizar o benestar emocional na creatividade, estas charlas terán lugar en distintos puntos de España ao longo do mes de novembro.

En Galicia terá lugar na Asociación de xornalistas de Compostela o día 16 de novembro ás 18.00h, contando coa presenza da vogal e socia de AGAG Inés Colmeiro e coa psiquiatra e divulgadora Iria Veiga. A entrada será libre ata completar aforo.

O resto das charlas terán lugar nas seguintes datas e lugares:

📍Sevilla, na sala Gallo Rojo o 21 de Novembro.
En colaboración con CINA.
Con Rosana Corbacho e moderada por Miguel Ángel Parra

📍Bilbao, en Centro Municipal Ibaiondo o 22 de Novembro.
En colaboración con EHGEP.
Con Leticia Linares e moderada por Roberto Castón.

📍Valencia, na sala do Sporting Club Russafa o 23 de Novembro.
En colaboración con EDAV.
Con Pere Grimalt e moderado por Rafa Casañ.

📍Barcelona, na sala calidoscopio do Convent Sant Agustí o 29 de Novembro.
En colaboración co GAC.
Con Víctor Amat e moderada por Anna Manso.