FAQ sobre as Axudas á Escritura de Guións do ICAA

Poñemos á vosa disposición un completo FAQ elaborado conxuntamente polas asociacións de FAGA, ademais dun resumo das preguntas máis recorrentes que xurdiron durante o encontro.

Preguntas frecuentes

Que proxectos se poden presentar?
Longametraxes de ficción ou documentais, tanto de imaxe real como de animación.

Cal é a dotación económica?

• 30.000 € para proxectos de ficción.

• 20.000 € para proxectos documentais.

Cantidade de axudas previstas?
Entre 266 e 350 proxectos seleccionados.

Quen recibe a axuda?
O guionista que presenta o proxecto, que debe manter os dereitos da obra.

Cal é o prazo límite?
Ata o 11 de agosto de 2025 ás 14:00 h.

Podo presentar un proxecto que xa recibiu outra axuda?
Non, isto non está comtemplado.

Hai puntuación mínima?
Si, os proxectos deben acadar polo menos 50 puntos para ser valorados.

Como funcionan as cotas?

• Mínimo do 45% dos proxectos seleccionados deben estar escritos por mulleres.

• Mínimo do 25% deben estar escritos en linguas distintas ao castelán.

Pode haber máis dunha lingua no proxecto?
Si, pero a lingua que conta é a da documentación presentada (sinopse e memoria).

Como debe ser o tratamento secuenciado?
Escenas numeradas, cun máximo de 15 páxinas.

Como se realiza a inscrición?
A través da sede electrónica do Ministerio de Cultura.

Cal é o calendario do proceso?

• Presentación de proxectos: ata o 11 de agosto.

• Tramitación administrativa: 1 mes.

• Puntuación: setembro – novembro.

• Resolución e pagos: antes do 30 de novembro.

• Entrega do guión final: prazo de 9 meses, ata o 31 de agosto de 2026.

Con esta información, agardamos que poidades preparar mellor as vosas solicitudes e aproveitar esta oportunidade para desenvolver novos guións.