AGAG únese ao programa Xuventude Mentoring da Xunta de Galicia

Xa somos entidade colaboradora do programa Xuventude Mentoring da Xunta de Galicia, unha iniciativa orientada a impulsar o acompañamento, a orientación e o desenvolvemento profesional da mocidade galega.

A través desta colaboración, AGAG suma a súa experiencia no sector para apoiar o talento emerxente na escrita de guións, contribuíndo á formación e ao crecemento de novas xeracións de creadoras e creadores.

Este proxecto reforza o compromiso de AGAG co impulso do talento novo e coa profesionalización do sector, favorecendo espazos de aprendizaxe, intercambio e mentoring que conectan a mocidade coa realidade da industria audiovisual galega.