Guionista e director. Traballou durante anos coma técnico (atrecista, script, axudante de dirección, casting) en filmes e series mentres se formaba coma guionista e escribía e dirixía curtametraxes. En 2014 comeza a dirixir e participar en equipos de guión na teleserie O Faro de TVG. Dende entón dirixe series da canle autonómica (Fontealba, Serramoura, A lei de Santos, Método Criminal, Saudade de tí) e participa como guionista en Fontealba e nos proxectos da produtora Kraken Films. En 2020 gaña o premio Daniel Domínguez de escritura de longametraxe con O fin da verdade, en co-autoría con Fernando Tato e Adrián Castiñeiras.