Olga Osorio (Lugo, 1972) iniciou a súa carreira audiovisual en 2015. Desde entón, os seus traballos recibiron numerosos premios e foron seleccionados en festivais como Sitges, Fantasia, Seattle International Film Festival, New York Children International Film Festival, Rhode Island, Palm Springs, Leeds, RiverRun e moitos outros. Traballou para produtoras como Nostromo Pictures, Vaca Films, Corte y Confección de Películas ou Buendía Estudios, entre outras.

Ademais, foi durante máis de vinte anos profesora na Escola de Imaxe e Son da Coruña e na Facultade de Comunicación Audiovisual da mesma cidade. É catedrática de ensino secundario na especialidade de Procesos e Medios de Comunicación, doutora en Humanidades e licenciada en Xornalismo. En 2026 publicou a súa primeira novela, Extraña.