Fisterra (1974). Actriz, guionista, dramaturga e creadora audiovisual galega. Desenvolve proxectos de ficción, combinando a escrita coa dirección e produción a través de Serea Films e Serea Teatro.

É autora da longametraxe 42.195 metros, proxecto seleccionado e premiado no AmesAV Lab.

Como directora e guionista, realizou as curtametraxes Maroñas (2021) e 22 Mans (2022), ambas recoñecidas no certame Curtas AS-PG.

No ámbito escénico, estreou en Serea Teatro as pezas da súa autoría Sen lingua, Á luz do día, nalgún lugar do mundo hai algunha muller e As furias de Elena Valdomar.