Anita Pico escribe e dirixe a súa primeira curta aos vinte e dous anos de idade, gañando o premio do Público no Festival de Durham. A coruñesa gradúase con distinción Summa Cum Laude en Estados Unidos, tanto en deseño coma en escenografía. A súa curta," Blacks or Whites", película do Máster de Cine na University for the Creative Arts no Reino Unido, foi estreada no Instituto Británico de Cinema en Londres (2019), proxectándose en festivais por todo o mundo. En 2019, Pico é seleccionada para o programa da BBC "New Creatives", deseñado para atopar os novos talentos do cinema inglés, rodando " What a Circus".A curta estreouse na televisión inglesa no canal BBC 4. No 2020, Pico foi escollida en programas de prestixio como o taller do festival BAFTA Encounters ou Screenskills Inglaterra.