PREGUNTAS FRECUENTES – Microcredencial de ‘Escritura e creación de series’ de AGAG e a UVigo

O pasado venres 2 tivemos un encontro online para resolver dúbidas sobre a microcredencial de ‘Escritura e creación de series’ que organiza a Universidade de Vigo no Campus de Pontevedra coa colaboración de AGAG.

Co fin de axudar a xente que non puido asistir, elaboramos este listado de preguntas frecuentes. Se tedes calquera dúbida a que non se de resposta, sempre podedes escribirnos a coordinacion@guionistas.gal

 

1. Cal é a descrición xeral do curso?

É un programa orientado á creación e desenvolvemento de guións para series de televisión e plataformas dixitais, que combina teoría e práctica e prepara ao alumnado para traballar en salas de guion profesionais. A metodoloxía inclúe a creación de ideas, análise de capítulos, desenvolvemento de personaxes, estruturas narrativas, escritura de diálogos, elaboración da biblia da serie, pitch de proxectos e coñecemento da industria máis o desempeño en aspectos legais.

 

2. Quen forma parte do profesorado?

O profesorado está composto por profesionais do sector audiovisual con máis de 25 anos de experiencia e centos de proxectos as suas costas a diferentes escalas: Alberto Guntín (“Néboa”, “Los Enviados” e directivo do Equipo de Contido de Netflix 20-22), Lidia Fraga (“Montecristo”, “Serramoura”);  ademais de docentes da Universidade de Vigo tamén vencellados ao sector, como José Manuel López ou  Beatriz Legerén.

 

3. Cando se desenvolve o curso?

O curso impártese do 21 de xaneiro ao 29 de abril de 2026 na Facultade de Comunicación de Pontevedra. Mércores e xoves de 16:30 a 20:30 (70 horas de docencia presencial)

 

4. A quen vai dirixido?

A persoas con vocación creativa interesadas na creación de contidos seriados, CON ou SEN titulación universitaria, maiores de 25 anos.

 

5. Cal é o prezo real?

• Público en xeral: 169,2 €
• Alumni UVigo: 152,28 €
• Comunidade UVigo:143,82 €

 

6. Ata cando me podo inscribir?

A inscrición está aberta ata o 7 de xaneiro de 2026.

 

7. Que documentación é necesaria para acceder ao curso?

É necesario presentar:

• Documento de identificación
• Currículo vitae
• Proba de guion (diálogo dunha secuencia dunha serie (existente ou creada pola persoa que se queira anotar), máximo 2 páxinas)
• Carta de motivación (máximo 1 páxina)

 

8.Hai límite de prazas?

Un máximo de 20, o que permitirá facer grupos de traballo mais reducidos e traballar mais personalizadamente con cada grupo

 

9. Como se realiza a selección do alumnado?

A proba de guión e a carta de motivación serven para que o profesorado coñeza aos estudantes e realizar uns grupos máis homoxéneos, sexa porque teñen uns coñecementos elevados ou menos experiencia.

 

10. Que nivel de dedicación semanal require o curso fóra das horas lectivas?

Iso dependerá do nivel de implicación do alumnado, pero ao realizar as tarefas en grupo a carga de traballo reducese. A media sería dunhas 1-2  horas semanais extras.

 

11. O curso é compatible cun traballo a tempo completo?

Por suposto, o curso tamén está orientado a profesionais que buscan especializarse neste eido. De feito, pódese faltar a un 30% das clases sen suspender o curso (21 horas). Ainda que as clases non estén gravadas, podes disfrutar de tutorías online (programadas regularmente polo profesores)  para despexar dúbidas.

 

12. Como se avalía o curso?

A avaliación distribúese do seguinte xeito:

• 60% proxecto final (biblia da serie creada durante o curso)
• 20% participación en talleres
• 20% pitching final

 

13.Trabállase nun proxecto individual ou en grupo?

Ao inicio as persoas participantes presentarán diferentes ideas e só se desenvolveran unha cantas, según o número de alumnos, en grupo, seguindo un formato de writters room.

 

14. Ante quen se realiza o pitching?

Diferentes productoras e membros da industria adaptando un formato profesional.

 

15. Como fago a inscrición?

• Podes ampliar información e inscribirte nesta web: https://cpfp.uvigo.gal/es/estudios/titulos-propios/id1252-1/
• Aquí tes tamén unha guía práctica do proceso: https://eafp.uvigo.gal/docs/Guia_preinscripcion.pdf
• Se non consigues formalizar o proceso ou tes algunha outra duda podes escribirnos a coordinacion@guionistas.gal ou a  josemlopez@uvigo.gal