Nace en A Coruña, licénciase en Oviedo e no ano 2000 trasládase a Madrid para formarse como actor no Estudio de J.C. Corazza.

Despois de traballar como actor en varias producións de cine e televisión, no 2010 escribe e dirixe "Duelo", a súa primeira curtametraxe, protagonizada por M. Morón e A. Durán “Morris”. Comenza deste xeito a súa andaina no mundo do guion, tarefa que compaxina co teatro, a súa outra grande paixón. Así, foi axudante de dirección de Sergio Peris-Mencheta nas obras "La Cocina" (2016) e "¿Quién es el Sr. Schmitt?" (2018) e de Natalia Mateo en "Conductas alteradas" (2019).

Na televisión, traballa como guionista nas series "Vivir Sin Permiso" (2018, Alea Media), "La Cocinera de Castamar" (2020, Buendía Estudios) e "Entrevías" (2021, Alea Media).