Tania Vila (Lugo, 1981) é guionista e escritora cunha sólida traxectoria no eido tecnolóxico e  creativo. Durante anos compatibilizou a súa actividade profesional coa escrita, asesoría e tradución de guións, así como coa fotografía experimental, cultivando unha voz propia e un criterio sólido para o desenvolvemento de proxectos creativos.

Licenciada en Filoloxía Alemá pola USC, con estudos en filosofía e tecnoloxía da linguaxe, posúe unha base humanística e metodolóxica que se reflicte no seu traballo.

Guionista e produtora en Artyc Content, achega a súa capacidade para traballar en contornas multidisciplinares e internacionais, a súa fluidez en varios idiomas e visión narrativa que combina precisión estrutural e sensibilidade estética.