Traballa como produtor executivo, guionista e director en Melgo Cinema, a súa produtora de cine social creada en A Coruña no 2018. A súa ópera prima é "As tres caídas de María Santiso", curta de comedia dramática protagonizada por Lucía Veiga, a cal recibe o Premio do Público á Mellor Película Galega na súa estrea en Galicia durante a 41 Semana de Cine de Lugo. Logo traballa en "Postre", curta de suspense protagonizada por Luisa Merelas de estrea en 2020, e "O noso pasar", miniserie de fantasía en financiación.

É Diplomado en Educación Social pola UDC. Comeza no audiovisual no 2015 para formarse en interpretación, pero é no 2017 cando decide dar un paso adiante e crear proxectos de ficción, convencido do potencial da industria audiovisual para entreter e amosar realidades do día a día.