Eu non quería ser guionista, eu quería atopar a miña paixón. Por iso a miña relación co audiovisual comezou dun xeito atípico. Estudei Deseño de Moda porque o que quería era “inventar” e sen embargo nunca cheguei a deseñar. Pero, esa inquedanza, a de inventar,  atopou na escritura un xeito fantástico de medrar sen límite. Por unha carambola da vida din co Máster en Guión de Ficción para Cine e TV da UPSA e acabei descubrindo a miña paixón: o guión.
Comecei a traballar en diferentes áreas do audiovisual e agora levo case dez anos desenvolvendo todo tipo de proxectos tanto de ficción como de entretemento.
Actualmente, traballo como freelance e tamén desde a miña propia produtora, Torita Media, onde busco proxectos que reflicten unha mirada persoal sobre o noso contexto cultural.