Aínda que actualmente exerce como profesora en deseño de videoxogos, máis concretamente na creación da historia e o guión dos mesmos, o seu traballo no ámbito do deseño de produtos interactivos iniciouse no ano 1993 coa creación da produtora Pixel Grafics, especializada en CG. Posteriormente crea a empresa Interacción, que se converte na primeira axencia interactiva de Galicia, ademais da primeira produtora dun videoxogo de temática celta para PC, no que realizou as funcións de Produtora Executiva.

Con posterioridade traballou no deseño (guión) de videoxogos para diferentes plataformas e pantallas. Tivo a oportunidade de traballar en proxectos de investigación e de ser responsable en diferentes asociacións de ámbito galego relacionadas co audiovisual e as tecnoloxías da información.